बालगायक सिलवालको ‘ट्राफिक हाम्रै साथी’ सार्वजनिक

गीतमार्फत ट्राफिक सचेतनामा महत्वपूर्ण योगदान पुरयाएको भन्दै आज महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक भीमप्रसाद ढकाल बालगायक प्रिन्स सिलवाललाई प्रशंसापत्र प्रदान गर्नुहुँदै । तस्वीर: नारायण ढुङगाना

काठमाडौँ, ४ असोज : बालगायक प्रिन्स सिलवालको श्रव्य–दृष्यसहितको नयाँ गीत ‘ट्राफिक हाम्रै साथी’ सार्वजनिक भएको छ ।

महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक भीमप्रसाद ढकालले गीत सार्वजनकि गर्दै जनमानसमा ट्राफिक सन्देश दिन गीतले महत्वपूर्ण भूमिका खेल्ने विश्वास व्यक्त गर्नुभयो । “ अहिले सडक सुरक्षामा जे जरुरी छ, त्यो कुरा गीतमा प्रकाश झै छर्लङ्ग छ”, महाशाखा प्रमुख ढकालले भन्नुभयो, “अब ट्राफिक सचेतना जगाउन यस्तै गीतसङ्गीत र डिजिटल प्रविधि प्रयोगको विकल्प छैन ।”

उक्त गीत काठमाडौँको माइतीघर, बानेश्वर, शङ्मूल, पुतलीसडकलगायत विभिन्न क्षेत्रमा छायाङ्न गरिएको थियो । गीतमा ट्राफिक सचेतनाका लागि बालबालिका स्वयंसेवी भएर प्रस्तुत भएका छन् । बालबालिकाको अभिनयमा नियम उल्लङ्घन गरेर सवारी साधान चलाउने र मापसे गरेर सवारी चलाउनेलाई सुझाव दिँदै ट्राफिक नियम पालनामा प्रेरित गरिएको छ । गीतमा प्रमुख ढकाल र प्रहरी निरीक्षक दामोदर भट्टको सन्देशमूलक प्रस्तुतिसमेत समावेश छ ।
गीतका रमेश पाठकको निर्देशन, प्रेम घिमिरेको सङ्गीत र नवीनबाबु गुरुङको छायाङ्न रहेको छ ।

गत वर्ष दशैँका अवसरमा गायक सिलवालले अभिनेता सरोज खनालसँगको अभिनयमा श्रव्यदृष्यसहितको गीत ‘बाबा’ बजारमा ल्याउनुभएको थियो । त्यसअघि उहाँले ‘माया लाग्छ नेपालको’, ‘दशैँ मनाउने हो’, ‘न मानामा नापिन्छ माया’ बोलको गीत बजारमा ल्याइसक्नुभएको छ ।

प्रतिक्रिया दिनुहोस्

ताजा

संग्रह (Archive)

© Copyright @ Media Mission Nepal Pvt. Ltd. 2019. All Rights Reserved.
Designed By: Web House Nepal Pvt. Ltd.