ला लिगाको शीर्ष स्थानमा रियल मड्रिड
काठमाडौं, १९ स्पेनिस क्लब रियल मड्रिड ला लिगा फुटबलको शीर्ष स्थानमा उक्लिएको छ ।
शनिबार राति घरेलु मैदानमा सेल्टा भिगोलाई २–० ले पराजित गर्दै रियल पहिलो पटक लिग तालिकाको शीर्ष स्थानमा उक्लिएको हो ।
रियलको जितमा लुकास भाजकेज र मार्कोस एसेन्सियोले एक एक गोल गरेका थिए ।
नेभेम्बर २१ देखि रियल मड्रिड ला लिगामा अपराजित छ ।
खेलको छैटौ मिनेटमा लुकास भाजकेजको गोलमा रियलले अग्रता बनाएको थियो । मार्को एसेन्सियोको क्रसमा लुकासले हेडमार्फत रियललाई अघि बढाएका थिए ।
क्यासमिरोको एसेन्सियोले दोस्रो हाफमा रियलको अग्रतालाई २–० मा पुर्याएका थिए ।
जित सहित शीर्ष स्थानको रियलले ३६ अंक बनाएको छ । दोस्रो स्थानको एट्लेटिकोको ३५ अंक छ । यद्धपी एट्लेटिकोले रियल भन्दा तीन खेल कम खेलेको छ ।
सेल्टा भियो २३ अंक सहित आठौं स्थानमा रहेको छ ।
शनिबार भएका अन्य खेलमा भिल्लेरियालले लेभान्तेलाई २–१ ले हरायो भने रियल भालाडोलिडले गेटाफेलाई १–० ले पराजित गर्यो । सेभिया भने रियल बेटिससँग १–१ को बराबरीमा रोकियो ।
