बेलायत अन्तत: ‌‍औपचारिक रूपमै युरोपेली संघ (इयु) बाट बाहिरियो

लण्डन, १७ पुस : बेलायत अन्तत: ‌‍औपचारिक रूपमै युरोपेली संघ (इयु) बाट बाहिरिएको छ ।

सन्‌ १९७३ मा संघको सदस्यता लिएको यो शक्तिराष्ट्रले ४७ वर्षपछि स्थानीय ग्रीनवीच समयअनुसार गएराति ११ बजेदेखि इयुका नियम पालना गर्न छाडेको हो ।

युरोपेली युनियनमा बस्न नहुने माग विपक्षीबाट आएपछि सन् २०१६ मा बेलायतमा यसबारे जनमत संग्रह भएको थियो । ब्रेक्जिट अर्थात बेलायत युरोपेली संघबाट बाहिरिनुपर्छ भन्ने पक्षमा ५२ प्रतिशत र छाड्नुहुँदैन भन्ने पक्षमा ४८ प्रतिशत मत खसेको थियो ।

त्यसपछि ब्रेक्जिटका लागि दुवै संसदले विधेयक बनाएको थियो र महारानी एलिजावेथ द्वितीयाले स्वीकृति दिएको थिइन् ‌।

यो प्रकृया आज औपचारिक रूपमै सम्पन्‍न भएको बीबीसीमा उल्लेख छ । प्रधानमन्त्री बोरिस जोन्सनले अब बेलायतको स्वतन्त्रता आफूहरूकै हातमा रहेको र फरक तथा राम्रो तरिकाले काम गर्ने धारणा राखेका छन्‌ ।

इयुबाट बाहिरिएपनि बेलायत मित्र र सहयोगी रहिरहने फ्रान्सका राष्ट्रपति इमानुयल म्याक्रोले बताएका छन् ‌।

 

प्रतिक्रिया दिनुहोस्

ताजा

संग्रह (Archive)

© Copyright @ Media Mission Nepal Pvt. Ltd. 2019. All Rights Reserved.
Designed By: Web House Nepal Pvt. Ltd.
error: