काठमाडौं महानगरपालिकाले स्थगित गरेकाे खोप अभियान सोमबारदेखि पुन: सुचारु
काठमाडौं, ३० जेठ : काठमाडौं महानगरपालिकाले स्थगित गरेको खोप अभियान सोमबारदेखि पुन: सञ्चालन गर्ने भएको छ । ६० देखि ६१ वर्ष उमेर समूहकालाई पहिलो मात्राको डोज खोप साेमबार र मंगलबार दुई दिन लगाउने महानगरपालिकाका जनस्वास्थ्य प्रशासक प्रमुख बद्रीबहादुर खड्काले सूचना जारी गरी जानकारी दिएका छन् ।
खड्गाका अनुसार बिहान १० बजेदेखि चार बजेसम्म खोप अभियान सञ्चालन गरिनेछ । ३१ गते सोमबार खोप वीर अस्पताल,शिक्षण अस्पताल महाराजगंजमा लगाइनेछ। त्यस्तै,१ गते मंगलबार वीरेन्द्र सैनिक अस्पताल छाउनी र निजामती कर्मचारी अस्पताल बानेश्नरमा लगाइनेछ ।
महानगरपालिकाले यसअघि महानगरभित्रको सबै वडामा खोप कार्यक्रम सञ्चालन गरेपनि २७ गतदेखि खोप लगाउने कार्यक्रम रोकेको थियो ।
