रौतहट र बारामा ९ जना संक्रमित थपिए, संक्रमितको संख्या ३०४ पुग्यो
काठमाडौं, ५ जेठ : रौतहट र बारामा ९ जना कोरोना संक्रमित भेटिएका छन् ।
नेपालमा फेरि ९ जना कोरोना संक्रमित थपिएका छन् । रौतहटका ८ र बाराका १ जनामा कोरोना पुष्टि भएको हो ।
रौतहटको इशनाथ नगरपालिका वडा नम्बर २,३, ६ र ९ का २१, २१, २३, २५, २५, २९ र ३० वर्षीय पुरुष तथा रौतहटकै माधव नारायण नगरपालिका ३ की २८ वर्षीया महिलामा राष्ट्रिय जनस्वास्थ्य प्रयोगशालामा गरिएको परीक्षणमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यस्तै बाराको करैयामाई-५ का ३८ वर्षीय पुरुषमा पनि कोरोना पुष्टि भएको छ ।
योसँगै नेपालमा कोरोना संक्रमितको संख्या ३०४ पुगेको छ ।
हालसम्म नेपालमा कोरोनाबाट २ जनाको मृत्यु भएको छ भने ३६ जना निको भएर घर फर्किएका छन् ।