अर्यालको नियात्रा सङ्ग्रह मेरो अपहरण सार्वजनिक

काठमाडौँ, ११ साउन : साहित्यकार सरिता अर्यालको नियात्रा सङ्ग्रह ‘मेरो अपहरण’ सार्वजनिक भएको छ । यहाँ आज आयोजित कार्यक्रममा नेपाल प्रज्ञा प्रतिष्ठानका कुलपति गङ्गाप्रसाद उप्रेतीले एक समारोहका बीच पुस्तक सार्वजनिक गर्नुभयो ।

उहाँले मेरो अपहरण पुस्तक एउटा ऐतिहासिक कृति रहेको उल्लेख गर्दै विगतका द्वन्द्व, त्यसमा भएका प्रमुख घटना र कमजोरी पुस्तकमा रहेको बताउनुभयो । प्रदेश सभासद कुर्मराज शाहीले अपहरणको बेलाको लेखकले आफ्नो मनस्थिति कस्तो भएको थियो प्रष्ट्याउनुभएको बताउनुभयो ।

साहित्यकार तारानाथ शर्माले माओवादी र सरकार पक्ष दुवैका कुरा सुनेर तथस्ट भएर जनयुद्धका विषयमा लेखिएको यो नै प्रथम कृति भएको बताउनुभयो । प्रतीक ढकालले पीडाले मान्छेलाई लेख्न बाध्य बनाउँछ भन्दै, म मारिदैछु भन्ने ठाउँबाट फर्केर आउँदा कस्तो अनुभूत हुन्छ त्यही अनुभवको दसीको रुपमा पुस्तक रहेको बताउनुभयो ।

अन्तर्राष्ट्रिय साहित्य समाजका केन्द्रीय अध्यक्ष राधेश्याम लेकालीले माओवादी द्वन्द्वको समयमा नेपालीले भोगेका अनुभव र अनुभूति पुस्तकमा रहेको बताउनुभयो । लेखिका अर्यालले जनयुद्धको समयमा कालिकोटमा सरकार र तत्कालीन माओवादी पक्षद्वारा कालिकोटका जनतामाथि गरिएको बर्बर दमनको बारेमा पुस्तकमा लेखिएको बताउनुभयो ।

प्रतिक्रिया दिनुहोस्

ताजा

संग्रह (Archive)

DOIB Regd No.: 905/075/076
PAN: 606662442
OCR Regd No.: 193288/075/076
Run by Media Mission Nepal Pvt. Ltd.
Address : Durbarmarga, Kathmandu Nepal
Contact No: 9851155800, 9861155800
Email: mediamissionnepal@gmail.com
info@mediamissionnepal.com
© Copyright @ Media Mission Nepal Pvt. Ltd. 2019. All Rights Reserved.
Designed By: Web House Nepal Pvt. Ltd.